Სამუშაო პროცესის ასისტენტი

	ნაბიჯი 1: მთავარ ეკრანზე ჩანს თქვენ მიერ მიღებული წაუკითხავი შეტყობინებების რაოდენობა. დააწკაპუნეთ შეტყობინებების ღილაკზე და გადადით სამუშაო პროცესის ასისტენტზე.
	ნაბიჯი 2: სამუშაო პროცესის ასისტენტი არის ცირე სისტემის შეტყობინებათა პლატფორმა, რომელიც ელექტრონული ფოსტით პრინციპით მუშაობს. მთავარ ეკრანზე დაინახავთ სტანდარტულ ძებნას, ახალი შეტყობინების შექმნის ღილაკს, შემომავალ საფოსტო ყუთს, გაგზავნილი და არქივირებული შეტყობინებების საქაღალდეებს.
	ნაბიჯი 3: ძებნის ფუნქცია საშუალებას გაძლევთ, სისტემაში რეგისტრირებულ ყველა შეტყობინებაში მოძებნოთ ის კონკრეტული შეტყობინებები, რომლის სხვადასხვა სეგმენტში მოცემულია კონკრეტული ტექსტური მნიშვნელობა. შეტყობინების პოვნის შემდეგ დააწკაპუნეთ და გახსენით იგი.
	ნაბიჯი 4: ღილაკი „ახალი შეტყობინების შექმნა“ საშუალებას გაძლევთ, წამოიწყოთ ახალი გზავნილის შექმნა.
	ნაბიჯი 5: ადრესატების დამატება შესაძლებელია სტანდარტული ადრესატის, დამატებითი ადრესატებისა და უხილავი ადრესატების ფორმატით. დასამატებელი ადრესატები ირჩევა სისტემის მომხმარებლებიდან. სახელის ჩაბეჭდვის პარალელურად სისტემა თავად ფილტრავს მსგავს მონაცემებს.
	ნაბიჯი 6: თუ გსურთ, შეტყობინება გაუგზავნოთ სეს-ის ოფიცერს, რომელიც კონკრეტულ რეგიონზე ან მუნიციპალიტეტზეა პასუხისმგებელი, შეარჩიეთ სასურველი ადგილი რეგიონების ან მუნიციპალიტეტების სიიდან. ორივეს მონიშვნა შეუძლებელია. რეგიონისა და მუნიციპალიტეტის წარმომადგენლები დასახელებულია ადმინისტრატორის მოდულში. რეგიონისა და მუნიციპალიტეტის ოფიცრები ავტომატურად ემატებიან ადრესატად ნებისმიერ შეტყობინებას, რომელშიც მოიხსენიება მათ ზონაში არსებული სადგომის ნომერი ან ამავე ადგილას მყოფი ცხოველი.
	ნაბიჯი 7: დაამატეთ შეტყობინების ან საკითხის დამატებითი იდენტიფიკაციის საშუალებები, მაგალითად, თემა, კატეგორია (შეტყობინების სახეობა), მითითება ცირე სისტემის ნებისმიერ მოდულზე (მოდულის დასახელება) და პრიორიტეტულობა. ბოლოს ჩაბეჭდეთ საკუთრივ შეტყობინების ტექსტი.
	ნაბიჯი 8: დააწკაპუნეთ საკანცელარიო სამაგრზე და გადადით მისაბმელ ფაილებზე. შეტყობინებას შეიძლება მიემაგროს ცხოველის საიდენტიფიკაციო ნომერი, სადგომის ნომერი ან სადგომზე პასუხისმგებელი პირის ნომერი.
	ნაბიჯი 9: ცხოველის საიდენტიფიკაციო ნომერი, სადგომის ნომერი ან სადგომზე პასუხისმგებელი პირის ნომერი შეგიძლიათ მონახოთ და შეტყობინებას მიაბათ სტანდარტული ძებნის საშუალებით.
	ნაბიჯი 10: შეტყობინებას შეგიძლიათ მიამაგროთ ერთი ან რამდენიმე ტიპის ერთზე მეტი ნომერი ან ფაილი. გამზადებული შეტყობინება გააგზავნეთ გაგზავნის ღილაკით.
	ნაბიჯი 11: გაგზავნილი შეტყობინება გადადის გაგზავნილ შეტყობინებათა საქაღალდეში, სადაც წერილები მოცემულია ქრონოლოგიურად.
	ნაბიჯი 12: შეტყობინების გასახსნელად და დეტალური ინფორმაციის სანახავად დააწკაპუნეთ მასზე. სტანდარტული ჩატის მსგავსად საპასუხო შეტყობინებების დასამატებლად დააწკაპუნეთ ღილაკზე „პასუხი“, რომელსაც გაგზავნის შემდგომ მიიღებს ყველა მომხმარებელი, დამატებითი და უხილავი ადრესატების ჩათვლით.
	ნაბიჯი 13: მიღებული შეტყობინებების სანახავად დააწკაპუნეთ შემომავალ საფოსტო ყუთზე. აქაც შეტყობინებები ქრონოლოგიურადაა დალაგებული. წაკითხული შეტყობინებები და შესრულებული დავალებები შეიძლება დაარქივდეს. ამისათვის დააწკაპუნეთ ყუთის ამსახველ ღილაკზე. შენიშვნა: გამგზავნი და დამატებითი და უხილავი ადრესატები მიიღებენ გზავნილს, რომ შეტყობინება დაარქივდა.
	ნაბიჯი 14: შეტყობინების გასახსნელად და დეტალური ინფორმაციის სანახავად დააწკაპუნეთ მასზე. ყველა დამატებითი შეტყობინება ეკრანზე ჩანს სტანდარტული ჩატის მსგავსად. კომენტარის დასამატებლად დააწკაპუნეთ ღილაკზე „პასუხი“.
	ნაბიჯი 15: თუ შეტყობინებაზე მიმაგრებულ ცხოველზე, სადგომზე ან პასუხისმგებელ პირზე დააწკაპუნებთ, დასათვალიერებლად გაიხსნება მათ შესახებ ჩამოთვლილი ინფორმაციის შემცველი ფანჯარა.
	ნაბიჯი 16: არქივირებული შეტყობინებების სანახავად გახსენით არქივის საქაღალდე. შეტყობინებას აქტიური სტატუსი შეიძლება დაუბრუნდეს ღილაკზე „განარქივება“ დაწკაპუნებით.
	ნაბიჯი 17: შეტყობინების გასახსნელად და დეტალური ინფორმაციის სანახავად დააწკაპუნეთ მასზე. ყველა დამატებითი შეტყობინება ეკრანზე ჩანს სტანდარტული ჩატის მსგავსად. კომენტარის დასამატებლად დააწკაპუნეთ ღილაკზე „პასუხი“.