Სადგომი
I თავი - ნავიგაცია და სადგომის ძებნა
სადგომზე გადასვლა მთავარი ეკრანიდან
 |
ნაბიჯი 1:
ცირე სისტემაში რეგისტრირებული სადგომები წარმოადგენს ცხოველების მუდმივად ან დროებით განთავსებისა ადგილებს ანდა ობიექტებს. |
|---|---|
 |
ნაბიჯი 2:
სადგომის ძიების ფუნქციაში სადგომის მოძებნა შესაძლებელია სხვადასხვა საიდენტიფიკაციო პარამეტრით ან სადგომის ტიპით. გარდა ამისა, შესაძლებელია ძებნის შედეგების გაფილტვრა ძებნის სპექტრის დავიწროების მიზნით. სასურველი სადგომის მოძიების შემდეგ მასში შესასვლელად დააწკაპუნეთ მის დასახელებაზე. |
 |
ნაბიჯი 3:
ეკრანზე გამოვა სადგომის ზოგადი მონაცემები. მთავარ ეკრანზე დასაბრუნებლად შედით მთავარ მენიუში, დააწკაპუნეთ მთავარი ეკრანის ღილაკზე ან სახლის ამსახველ ღილაკზე. |
სადგომზე გადასვლა პასუხისმგებელი პირის გავლით
 |
ნაბიჯი 1:
სადგომის ფანჯარაში გადასვლა შესაძლებელია აგრეთვე „პასუხისმგებელი პირის“ გავლით. სადგომის მფლობელის მოძებნის გზა იხილეთ „ინსტრუქციაში პასუხისმგებელი პირების შესახებ“. |
 |
ნაბიჯი 2:
სასურველი პირის იდენტიფიცირების შემდეგ შესაძლებელია იმ სადგომის მოძიება, სადაც ეს პირი პასუხისმგებელია როგორც სადგომის მფლობელი, მომვლელი ან ასოცირებული პირი. |
 |
ნაბიჯი 3:
სადგომის მთავარ ეკრანზე ჩანს სადგომთან დაკავშირებული ყველა აუცილებელი მონაცემი. შენიშვნა: თუ სადგომს მფლობელი, ასოცირებული პირი ან მომვლელი მინიჭებული არ ჰყავს, ამ სადგომზე პასუხისმგებელი პირის მენიუდან გადასვლა შეუძლებელია. |
სადგომზე გადასვლა ცხოველის გავლით
 |
ნაბიჯი 1:
სადგომის ეკრანზე გადასვლა შესაძლებელია „ინდივიდუალურად რეგისტრირებული ცხოველის“ გავლით. სადგომის მფლობელის მოძებნის გზა იხილეთ „ინსტრუქციაში ინდივიდუალურად რეგისტრირებული ცხოველების შესახებ“. |
 |
ნაბიჯი 2:
„ინდივიდუალურად რეგისტრირებული ცხოველის“ ეკრანიდან სადგომზე გადასვლა შესაძლებელია სადგომის იარლიყის გამოყენებით. მარცხენა ზედა კუთხეში მოცემული ტაბულები იძლევა სადგომს, ცხოველსა და მფლობელს შორის გადასვლა-გადმოსვლის საშუალებას. |
 |
ნაბიჯი 3:
სადგომის მთავარი ეკრანიდან „წინ“ და „უკან“ ისრების საშუალებით შეგიძლიათ გადახვიდეთ იმავე სოფელში მდებარე სადგომებზე. სადგომები ჯგუფდება სადგომის ნომრებით (აღმავალი წესით). ერთ სოფელში მდებარე სადგომების სიის ნახვა შესაძლებელია „ანგარიშების“ მენიუში. სოფლის დონეზე წინასწარ დაბეჭდილი ფორმების ჩამოსატვირთად იხილეთ „ინსტრუქცია ანგარიშების შესახებ“. სადგომებზე გადასვლა ასევე შესაძლებელია „ბოლოს ნანახი“ ღილაკით, რომელზე დაწკაპუნებით ეკრანზე გამოიტანთ ბოლოს ნანახ ყველა ობიექტს. |
II თავი - ახალი სადგომის შექმნა
 |
ნაბიჯი 1:
ახალი სადგომის შესაქმნელად გადადით „სადგომების მენიუში“. |
|---|---|
 |
ნაბიჯი 2:
სადგომების ძიების მენიუში სადგომის მონაცემების ამსახველი ფანჯრის გასახსნელად დააწკაპუნეთ ღილაკზე „დამატება“. |
 |
ნაბიჯი 3:
სადგომის საიდენტიფიკაციო ნომერი ავტომატურად გენერირდება. მასში პირველი ცხრა ციფრი წარმოადგენს რეგიონის, მუნიციპალიტეტის, თემისა და სოფლის კოდიფიცირებულ მისამართს, ხოლო ბოლო ოთხი - სოფელში სადგომის რიგით ნომერს. ახალი სადგომის შექმნისას უნდა აირჩით სადგომის ტიპი. სადგომები საზოგადოდ იყოფა მუდმივ და დროებით სადგომებად. თითოეულ მათგანზე განსხვავებული წესები ვრცელდება, რომელთა ნაწილი სადგომის დანიშნულების სპეციფიურია. საჭიროების შემთხვევაში შესაძლებელია სადგომის „დასახელების“ დამატება. წინააღმდეგ შემთხვევაში, სისტემა დასახელებას შექმნის მფლობელის სახელისა და გვარის გამოყენებით. იმ სადგომების შემთხვევაში, რომლებშიც რეგისტრაციის ინდივიდუალური პროცესი ან პროცესები მოქმედებს, „ნებართვის ნომრის“ ველში შეიძლება გაცემული „სხვა საიდენტიფიკაციო ნომრის“ მითითება. |
 |
ნაბიჯი 4:
შეარჩიეთ სადგომის მდებარეობა უმაღლესი დონიდან სოფლამდე და დაამატეთ ფიზიკური / საფოსტო მისამართი, თუ ასეთი არსებობს. თუ გსურთ, სადგომი იძებნებოდეს გეო-ინფორმაცის სისტემის (გის სისტემა) მოდულში, დაამატეთ ადგილმდებარეობის განმსაზღვრელი გლობალური სისტემის კოორდინატები. „შესაძლებლობებში“ შედის სადგომის ზომა. დაამატეთ სხვა აუცილებელი ინფორმაცია და დააწკაპუნეთ ღილაკზე „შენახვა“. |
III თავი - სადგომის მთავარი ეკრანი
 |
ნაბიჯი 1:
სადგომის მთავარ ეკრანზე მოცემულია ინფორმაციის შემცველი ოთხი პანელი. ინფორმაციის დაფიდან შესაძლებელია შემდეგი ქმედებების განხორციელება:
|
|---|---|
 |
ნაბიჯი 2:
თუ ისეთ სადგომში იმყოფებით, რომელსაც მფლობელი არ ჰყავს, ამ უკანასკნელის რეგისტრირებამდე სადგომზე მოცემულ ქმედებათა სრული პანელი ხელმისაწვდომი არ იქნება. |
 |
ნაბიჯი 3:
სადგომის იდენტიფიკაციის პანელში მოცემულია მოცემულ სადგომზე რეგისტრირებული საკვანძო ინფორმაცია. სადგომში განსახორციელებელ ქმედებათა პანელი საშუალებას გაძლევთ, გადახვიდეთ სადგომის ფარგლებში სხვა მოდულების ინტერფეისზე. თითოეულ ინტერფეისს თან ახლავს გამოყენების დამოუკიდებელი ინსტრუქცია. |
 |
ნაბიჯი 4:
მენიუს პანელზე მოცემულ „სადგომის“ ღილაკზე იძლევა წვდომას სადგომის მთელ სარეგისტრაციო ინფორმაციაზე და, საჭიროების შემთხვევაში, მის რედაქტირებაზე. ღილაკი „სადგომის სტატუსის შეცვლა“ საშუალებას გაძლევთ, სადგომის სტატუსი „აქტიურიდან“ შეცვალოთ სტატუსით „შეჩერებული“ (დროებით არააქტიური) ან სტატუსით „შეწყვეტილი“ (სადგომი აღარ არსებობს). |
 |
ნაბიჯი 5:
სადგომის ინფორმაციის პანელში მოცემულია სადგომის საკვანძო ინფორმაცია, სადგომის შემადგენლობა - ცხოველების რაოდენობა და ფარა / გუნდი ცხოველთა სახეობის მიხედვით, აგრეთვე მიმდინარე გადაადგილებები. ხელსაწყო „სადგომის სტატუსი“ შეიცავს მონაცემებს ჯანმრთელობის სტატუსის შესახებ, რაც მოიცავს ცხოველთა ჯანმრთელობის მდგომარეობას, გამავალ-შემომავალ ჯგუფებსა და კარანტინის აქტიურ შემთხვევებს. |
 |
ნაბიჯი 6:
ღილაკი „რუკა“ შესაძლებლობას გაძლევთ, ეწვიოთ გის სისტემის მოდულს (იხილეთ ინსტრუქცია გეოგრაფიული ობიექტების რუკაზე დატანის შესახებ). ღილაკი „ბეჭდვა“ იძლევა სადგომის ოპერაციებთან დაკავშირებული სამი სახის ანგარიშების დაბეჭდვის საშუალებას. |
 |
ნაბიჯი 7:
„სადგომის სერტიფიკატი“ არის ამონაწერი სადგომის ინფორმაციიდან და მოიცავს სადგომის მოკლე საიდენტიფიკაციო ინფორმაციასა და მის სტატუსს. |
 |
ნაბიჯი 8:
„სტატუსის განახლების ფორმა“ გამოიყენება სეს-ის ოფიციალური წარმომადგენლების ვიზიტის განმავლობაში სადგომში განხორციელებული სხვადასხვა ქმედების რეგისტრაციისა და სადგომის შემადგენლობის განახლების მიზნით. |
 |
ნაბიჯი 9:
„სადგომის წიგნაკი“ გამოიყენება მფლობელის ან ასოცირებული პირის მიერ სადგომში განხორციელებული სხვადასხვა ქმედებისა და სადგომის შემადგენლობის განახლების მიზნით. რეგულარულად ამობეჭდილი და ნაწარმოები ჩანაწერები ერთობლივად წარმოადგენს სტანდარტულ „ფერმის / სადგომის ჟურნალს“. |