Პოპულაციიდან ნიმუშების აღება

I თავი - პოპულაციის შერჩევა

---

---

	ნაბიჯი 1 მთავარ ეკრანზე დააწკაპუნეთ პოპულაციის სურათზე და გახსენით პოპულაციის შერჩევის მოდული.
	ნაბიჯი 2 პოპულაციის არსებული ნიმუშის გასახსნელად გამოიყენეთ ძებნის ფუნქცია. ძიება შესაძლებელია შემდეგ საფუძველზე: პოპულაციის ID სახელი მოსახლეობის ტიპი შერცეული ტიპი აირჩიეთ რა კრიტერიუმით გინდათ ძიების დაწყება და ამის შემდეგ მიუთითეთ მონაცემი და დააწკაპუნეთ ღილაკ "ძებნა"-ს. პოპულაციის ახალი ნიმუშის შესაქმნელად დააწკაპუნეთ ღილაკზე „დამატება“.

---

თავი 2 – პოპულაციის ფილტრების გამოყენება

---

	ნაბიჯი 1 პოპულაციის ახალი ნიმუშის დამატებისას მიუთითეთ ძირითადი მონაცემები ექსტრაქციის ტიპი (ცხოველი თუ დაავადება); პოპულაციის საჭიროება (დაავადება თუ სადგომი). გთხოვთ გაითვალისწინოთ, რომ თუ აირჩევთ ცხოველის ნიმუშს, კითხვების სია გაფართოვდება; პოპულაციის ნიმუშის ნომერი ან დასახელება. გარდა ამისა არის რამდენიმე ფანჯარა რომლებშიც უნდა მიეთითოს შესაბამისი ინფორმაცია.
	ნაბიჯი 2 ფილტრების გამოსაყენებლად ან გამოსატოვებლად მითიტებულ ადგილას უნდა ავირჩიოთ გვინდა თუ არა რომ აღნიშნული ფილტრი გამოჩნდეს ფუნქცია - ფილტრის კრიტერიუმის ჩათვლით / გამოკლებით ის ფილტრები, რომელთა გამოყენებაც არ გსურთ, შეგიძლიათ, დატოვოთ ცარიელი. თუ რომელიმე ფილტრის გამოყენება გსურთ, უნდა მიუთითოთ, პოპულაციაში ამ ფილტრის კრიტერიუმი უნდა ჩაითვალოს თუ უნდა გამოაკლდეს.
	ნაბიჯი 3: ასაკის ფილტრი როდესაც ფილტრზე მითითებულია „ჩათვლით“ და მითითებულია თვეების რაოდენობა, ეს იმას ნიშნავს, რომ ნიმუშში შევა მხოლოდ ის ცხოველები, რომლებიც მოცემულ პერიოდს აკმაყოფილებს. მაგ. ფილტრი „ასაკი 3-დან 10-მდე“ მოგცემთ ყველა იმ ცხოველს, რომელთა ასაკი 3-დან 10 თვემდეა. თუ მითითებულია ფილტრი „გამოკლებით“ და შეყვანილია დიაპაზონი, ყველა ცხოველი, რომელიც მითითებულ პერიოდს აკმაყოფილებს, პოპულაციას გამოაკლდება და გამოვა, რომ ნიმუშში მოცემულია ყველა ის ცხოველი, რომელიც მოცემულ ასაკობრივ კატეგორიას არ ეკუთვნის.
	ნაბიჯი 4: სქესის ფილტრი ამ ფილტრის შეუვსებლად დატოვება ნიმუშში შეიყვანს ორივე სქესის ცხოველებს. თუ მიუთითებთ „ჩათვლით“, მაშინ ნიმუშში შევა, თქვენი არჩევანის მიხედვით, მხოლოდ მამრობითი ან მხოლოდ მდედრობითი სქესის ინდივიდები.
	ნაბიჯი 5: ჯანმრთელობის ბოლო ჩანაწერის ხანდაზმულობა ფილტრი „ჯანმრთელობის წიგნაკის ჩათვლით“ ნიშნავს, რომ ნიმუში მოიცავს ყველა იმ ცხოველს, რომლებიც შერჩეულ პერიოდში გარკვეულ დაავადებაზე იქნა აცრილი. მაგ. თუ მიუთითებთ „ვაქცინირებული 3-დან ვაქცინირებული 10-მდე“ (თვეებში) და დაავადებად - ჯილეხს, ნიმუშში შევა ყველა ის ცხოველი, რომლებიც ბოლო 3-დან 10 თვემდე პერიოდში ვაქცინირებულია ჯილეხზე. იმ პოპულაციის გამოკლება, რომლის ჯანმრთელობის წიგნაკის გარკვეულ დაავადებაზე აცრას მოიცავს, იმას ნიშნავს, რომ ნიმუშში შევა ამ დაავადებაზე მოცემულ დროით ინტერვალში აუცრელი ყველა ცხოველი. მაგალითად, იმავე ჯილეხზე ფილტრით „გამოკლებით“ და ინტერვალით „ვაქცინირებული 3-დან ვაქცინირებული 10-მდე“ გაკეთებული ჩანაწერი მოგვცემს ყველა ცხოველს, გარდა იმ ინდივიდებისა, რომლებიც ბოლო 3-დან 10 თვემდე პერიოდში ჯილეხზეა აცრილი. ველი „ვაქცინა დაავადებაზე“ სავალდებულო არაა. პოპულაციის შენახვა შესაძლებელია მხოლოდ გააქტიურებული ფილტრის „ჩათვლით / გამოკლებით“ და თვეების ინტერვალის მითითებით. ასე ნიმუშში შეიყვანთ ცხოველებს მოცემულ პერიოდში ყველა სახის ვაქცინაციის ჩანაწერით.
	ნაბიჯი 6: კამპანიის ფილტრი ფილტრი „კამპანიის ჩათვლით“ ნიშნავს, რომ ნიმუშში შევა ყველა ის ცხოველი, რომლებზეც მითითებულ კამპანიაში რაიმე ქმედება განხორციელდა. მაგ. თუ მითითებული გაქვთ „კამპანია დაავადებაზე - ჯილეხზე შემოწმება “, ნიმუშში შევა ყველა ის ცხოველი, რომელსაც ეს კამპანია შეეხო. ფილტრი „კამპანიის გამოკლებით“ ნიშნავს, რომ ნიმუშში შევა ყველა ის ცხოველი, რომლებზეც მითითებულ კამპანიაში რაიმე ქმედება არ განხორციელებულა. მაგ. თუ მითითებული გაქვთ ფილტრი „გამოკლებით“ და „კამპანია დაავადებაზე - ჯილეხზე შემოწმება “, ნიმუშში შევა კამპანიით მოცული ყველა ცხოველი, გარდა იმ ცხოველებისა, რომლებზეც გავრცელდა კამპანია „ჯილეხზე შემოწმება“. როდესაც რაიმე კამპანია მონიშნულია, ველი „კამპანია დაავადებაზე“ შესაბამისი დაავადებით ავტომატურად ივსება.
	ნაბიჯი 7: ნიმუშის ფილტრი ფილტრი „ნიმუშის ჩათვლით“ ნიშნავს, რომ პოპულაციის ნიმუშში შევა ყველა ის ცხოველი, რომელსაც მითითებულ პერიოდში დაუფიქსირდება მოცემული დაავადების დადებითი ან საეჭვო შემთხვევა. მაგ. თუ მიუთითებთ „დადებითი / საეჭვო შემთხვევა 3-დან 10 თვემდე“ და დაავადებად შეიყვანთ ჯილეხს, ნიმუშში შევა მხოლოდ ის ცხოველები, რომლებსაც ბოლო 3-დან 10 თვემდე პერიოდში დაუფიქსირდათ ჯილეხის დადებითი ან საეჭვო შემთხვევა. ფილტრი „ნიმუშის გამოკლებით“ ნიშნავს, რომ პოპულაციის ნიმუშში შევა ყველა ის ცხოველი, რომელსაც მითითებულ პერიოდში არ დაუფიქსირდა მოცემული დაავადების დადებითი ან საეჭვო შემთხვევა. მაგ. თუ მიუთითებთ „დადებითი / საეჭვო შემთხვევა 3-დან 10 თვემდე“ და დაავადებად შეიყვანთ ჯილეხს, ნიმუშში შევა ყველა ცხოველი იმათ გარდა, რომლებსაც ბოლო 3-დან 10 თვემდე პერიოდში დაუფიქსირდათ ჯილეხის დადებითი ან საეჭვო შემთხვევა.

---

III თავი - გეოგრაფიული ფილტრი

---

	ნაბიჯი 1: გეოგრაფიული არეალის მისათითებლად დააწკაპუნეთ ღილაკზე „გეოლოკაციის გამოყენება“.
	ნაბიჯი 2: ტერიტორიული ადმინისტრაციის ნებისმიერი დონის დამატება შეიძლება შესაბამისი ლოკაციის მონიშვნით (ყველაზე დაბალი დონე - სოფელი).
	ნაბიჯი 3: გამოყენებული გეოლოკაციის ფილტრების შემოწმება შეიძლება ღილაკით „გამოყენებული გეოლოკაციები“. დააწკაპუნეთ ამ ღილაკზე.
	ნაბიჯი 4: გეოლოკაციის გამოყენებული ფილტრების რედაქტირება ან წაშლა შესაძლებელია ღილაკით „გამოყენებული გეოლოკაციები“.
	ნაბიჯი 5: შექმენით პოპულაცია ღილაკზე „პოპულაციის ნიმუშის შექმნა“ დაწკაპუნებით. სისტემა „ექსელში“ ავტომატურად შექმნის საწყის ნიმუშს. თუ მასში ცვლილებების შეტანას არ ვარაუდობთ, უბრალოდ გადააკეთეთ პოპულაციის სტატუსი „სამუშაოდან“ „საბოლოოზე“ და დაადასტურეთ ნიმუშის შექმნა გამოტანილ შეტყობინებაში.

---

IV თავი - ნიმუშების სტრატიფიკაცია

---

	ნაბიჯი 1: პოპულაციის საბოლოო ვარიანტში გააქტიურდება სტრატიფიკაციის ფუნქცია. შრეების რაოდენობისა და ნიმუშის ზომის მიხედვით დასაკონკრეტებელი ფილტრის შესაქმნელად დააწკაპუნეთ სტრატიფიკაციის ღილაკზე.
	ნაბიჯი 2: ეკრანზე გამოვა თითო დონეზე (შრე) შერჩეული ტერიტორიული ადმინისტრაციების რაოდენობა, რომლებიც განისაზღვრება გამოყენებული გეოლოკაციის ფილტრის საფუძველზე. დაამატეთ ტერიტორიული ადმინისტრაციული ერთეულები, რომლებზეც გსურთ, ეს ნიმუში გავრცელდეს. ბოლოს აირჩიეთ ნიმუშის ზომა. ამისათვის დაუმატეთ სადგომების რაოდენობა ან შემთხვევითი წესით შესარჩევი ცხოველების რაოდენობა. ეკრანიდან გამოსასვლელად დააწკაპუნეთ ღილაკზე „სტრატიფიკაციის ფილტრის გამოყენება“.
	ნაბიჯი 3: პოპულაციაზე სტრატიფიკაციისა და ნიმუშის ზომების ფილტრის გასავრცელებლად დააწკაპუნეთ ღილაკზე „პოპულაციის სტრატიფიცირება“. მენიუ საშუალებას მოგცემთ, აირჩიოთ თქვენ მიერ შექმნილი ერთერთი სტრატიფიკაციის ფილტრი.
	ნაბიჯი 4: აირჩიეთ სტრატიფიკაციის ფილტრი და დაადასტურეთ არჩევანი. სისტემა ავტომატურად შექმნის სტრატიფიცირებულ ნიმუშს „ექსელში“.

---

V თავი - ნიმუშის ჩამოტვირთვა „ექსელში“

---

	ნაბიჯი 1: ღილაკზე „ნიმუშების უახლესი ფაილის ჩამოტვირთვა“ დაწკაპუნებით კიდევ ერთხელ მიიღებთ „ექსელში“ გაფორმებულ პოპულაციის ნიმუშს. ამ ღილაკზე დაწკაპუნებისას კვლავ შეგიძლიათ აირჩიოთ, ნიმუშის როგორი - სტრატიფიცირებული თუ არასტრატიფიცირებული - ვერსიის მიღება გსურთ სისტემიდან.
	ნაბიჯი 2: გახსენით და დაათვალიერეთ შერჩეული პოპულაციის ფაილი „ექსელში“.