Ინდივიდუალურად რეგისტრირებული ცხოველები

I თავი - ახალი ცხოველის შექმნა

---

---

	ნაბიჯი 1: იპოვეთ ის სადგომი, რომელშიც ცხოველი უნდა შეიქმნას ახალი ცხოველის დასამატებლად, პირველ რიგში, უნდა იპოვოთ ან შექმნათ ის სადგომი, რომელშიც უნდა დარეგისტრირდეს ცხოველი. მენიუში დააწკაპუნეთ სადგომების ღილაკზე. შენიშვნა: სადგომის პოვნის ან შექმნის გზა იხილეთ ინსტრუქციაში სადგომების შესახებ.
	ნაბიჯი 2: სადგომის ეკრანზე გადადით ცხოველების განყოფილებაში სადგომის მთავარ ეკრანზე დაინახავთ ცხოველის თითოეული ტიპის ან ფარის თუ ნახირის რაოდენობას. ინდივიდუალურად რეგისტრირებულის სანახავად დააწკაპუნეთ ღილაკზე „ცხოველები“ და გახსენით მენიუ.
	ნაბიჯი 3: ცხოველების განყოფილება ამ განყოფილებაში მოცემულია აქტიური (ვალიდური) და არააქტიური (ცხოველები: დაკარგული, გაყიდული ან ადგილზე არმყოფი) ცხოველების სიები, ეკრანის მარცხენა და მარჯვენა ნაწილში, შესაბამისად.
	ნაბიჯი 4: არაცოცხალი ცხოველების განყოფილება არააქტიური ცხოველების (დაკლული, მკვდარი ან განადგურებული) დასათვალიერება შესაძლებელია ან მარჯვენა ფანჯარაში ან გადადით „დაკლული ცხოველები“-ს ქვეგანყოფილება.
	ნაბიჯი 5: დაამატეთ ახალი ცხოველი ცხოველის დასამატებლად დააწკაპუნეთ ღილაკზე „დამატება“. ეკრანზე გამოვა ფანჯარა, სადაც აუცილებელი მონაცემები უნდა შეიტანოთ.
	ნაბიჯი 6: ახალი ცხოველის ფორმა რომ გაიხსნება, იქ უკვე არჩეული იქნება მისი რეგისტრაციის ქვეყანა - საქართველო. თუ ცხოველი ევროკავშირის ქვეყნიდანაა და მის მფლობელს სურს, მასზე უკვე გაცემული საყურე ნიშანი შეინარჩუნოს, მონიშნეთ წარმოშობის შესაბამისი ქვეყანა.
	ნაბიჯი 7: დაამატეთ ცხოველის ნომერი შესაბამის გრაფაში შეიყვანეთ ცხოველის საიდენტიფიკაციო ნომერი. ქართული საყურე ნიშნის იდენტიფიკატორი 8 ციფრიანია.
	ნაბიჯი 7ა: თუ გრაფაში არარსებულ ნომერს შეიყვანთ, ეკრანზე გამოვა შესაბამისი შეტყობინება.
	ნაბიჯი 8: თუ გრაფაში შეიყვანეთ ცხოველის უკვე არსებული ნომერი და ცხოველის სახეობა, სისტემა ეკრანზე გამოგიტანთ ცხოველსა და მისი სადგომის ნომერს. სისტემა გკითხავთ, ხომ არ გსურთ ცხოველის გადაყვანა (პირდაპირ გადაყვანა) ამ სადგომში. შეამოწმეთ შეყვანილი ნომერი. ეს იმის მაჩვენებელია, რომ ცხოველი უკვე შექმნილია. ასეთ შემთხვევაში თუ ნომერი ემთხვევა დაუკავშირდით ზემდგომს. სხვა შემთხვევაში ან პროცედურით შეგიძლიათ ცხოველის პირდაპირ გადაყვანა სადგომიდან სადგომზე.
	ნაბიჯი 9: არა-ევროკავშირის ქვეყნიდან შემოყვანილი ცხოველის შემთხვევაში, მისი საყურე ნიშანი და ნომერი უნდა ჩანაცვლდეს ქართულით. მფლობელის სურვილით, ქართულით შეიძლება აგრეთვე ჩანაცვლდეს ევროკავშირის საყურე ნიშნები. ახალი, ქართული ნომრის დამატების შემდეგ, აგრეთვე, დაამატეთ თავდაპირველი ნომერი და მიუთითეთ წარმოშობის ქვეყანა.
	ნაბიჯი 10: შეიყვანეთ ცხოველის რეგისტრაციის თარიღი და ცხოველის დეტალები (ტიპი, სქესი, შეფერილობა, ჯიში).
	ნაბიჯი 11: დაამატეთ ცხოველის დაბადების თარიღი თუ დაბადების ზუსტი თარიღი უცნობია, გრაფა დატოვეთ ცარიელი. სამაგიეროდ, მითითებულ გრაფაში შეიყვანეთ ცხოველის სავარაუდო ასაკი წლებში ან თვეებში. დააწკაპუნეთ ღილაკზე „ასაკის გამოთვლა“ და სისტემა დაბადების მიახლოებით თარიღს ავტომატურად ჩასვამს. თუ ასაკის შეყვანისას შეცდომა დაუშვით, დააწკაპუნეთ ღილაკს „ასაკის ჩამოყრა“.
	ნაბიჯი 12: შეიყვანეთ ცხოველის იდენტიფიკაციის თარიღი დაამატეთ ცხოველზე საიდენტიფიკაციო ნიშნის დამაგრების თარიღი, რომელიც მითითებულია სტატუსის განახლების ფორმაში.
	ნაბიჯი 13: ცხოველის სიკვდილის თარიღი როდესაც სადგომში ან სასაკლაოზე ცხოველის სტატუსი იცვლება და ხდება „მკვდარი“, „განადგურებული“ ან „დაკლული“, ეს გრაფა ავტომატურად ივსება.
	ნაბიჯი 14: დაამატეთ ცხოველის მშობლების ნომრები თუ ცხოველის მშობლების საიდენტიფიკაციო ნომრები ცნობილია, უნდა მოხდეს მათი მითითება ეკრანის ძირში განთავსებულ გრაფებში (ხელოვნური განაყოფიერების შემთხვევაში უნდა მიეთითოს პარტიის ნომერი). შენიშვნა: გაითვალისწინეთ, რომ დედის ნომრად მამრობითი სქესის ცხოველის ნომრის ან პირიქით მითითებისას, სისტემა ნომერს არ მიიღებს. სამუშაოს დასრულების შემდეგ მონაცემები შეინახეთ.
	ნაბიჯი 15: ამობეჭდეთ ცხოველის ჩანაწერი / პასპორტი ცხოველის ჩანაწერში შესასვლელად დააწკაპუნეთ მოცემული ცხოველის შემცველ მწკრივზე. ცხოველის ჩანაწერში შესულებმა ცხოველის ჩანაწერის / პასპორტის ამოსაბეჭდად დააწკაპუნეთ ღილაკზე „დაბეჭდვა“ და შემდეგ „ცხოველის ჩანაწერი“.

II თავი - არსებული ცხოველის პოვნა

---

---

	ნაბიჯი 1ა: ცხოველის პოვნა სწრაფი ძებნით მთავარ ეკრანზე ცხოველის ნომერი შეიყვანეთ სწრაფი ძებნის ველში და დააწკაპუნეთ მის გვერდით მარჯვენა მხარეს გამადიდებელ შუშაზე. ამის შემდეგ დააწკაპუნეთ ეკრანზე გამოტანილ შესაბამის ნომერზე და გადადით ცხოველის ჩანაწერებში.
	ნაბიჯი 1ბ: ცხოველის პოვნა ღიალაკი ცხოველთი-ს მეშვეობით ცხოველის ძებნა შეიძლება, აგრეთვე, ცხოველთა რეესტრში.
	ნაბიჯი 2: ძიება ცხოველთა რეესტრში ცხოველის მოძებნა შეგიძლიათ ერთერთი ჩამოთვლილი ინდიკატორით ან მახასიათებლით. ეკრანზე გამოსული სია შეგიძლიათ დაავიწროოთ ფილტრის გამოყენებით. საბოლოო სიაში დააწკაპუნეთ მოცემული ცხოველის მწკრივზე და შედით მის ჩანაწერში.
	ნაბიჯი 3: ინდივიდუალური ცხოველის ეკრანი ცხოველის ეკრანზე შესულს შეგიძლიათ ცხოველის ჩანაწერი პირდაპირ დაარედაქტიროთ ან გადახვიდეთ ცხოველის განყოფილებაში, რომელიც სადგომშია მოცემული. ამისათვის დააწკაპუნეთ სადგომის საიდენტიფიკაციო კოდზე.
	ნაბიჯი 4: ცხოველთა გაფილტვრა სადგომის ეკრანზე მოცემულ ცხოველთა განყოფილებაში მას შემდეგ, რაც სადგომში მოცემულ ცხოველთა განყოფილებაში გადახვალთ, კვლავ შეგიძლიათ ფილტრის საშუალებითმიიძიოთ სასურველი ცხოველი. ფილტრები თან ახლავს როგორც აქტიური, აგრეთვე არააქტიური ცხოველების ეკრანებს.

III თავი - არსებული ცხოველისა და სტატუსის რედაქტირება

---

---

	ნაბიჯი 1: მონაცემთა რედაქტირება ინდივიდუალური ცხოველის ეკრანზე და მონაცემთა შენახვა ცხოველის საბაზისო მონაცემების რედაქტირებისათვის მის ჩანაწერში შესასვლელად ცხოველთა ეკრანზე დააწკაპუნეთ მოცემული ცხოველის მწკრივში. მას შემდეგ, რაც ცხოველის ჩანაწერი გაიხსნება, სარეგისტრაციო მონაცემებში შესასვლელად დააწკაპუნეთ ღილაკზე „ცხოველის ინფორმაციის რედაქტირება“. არ დაგავიწყდეთ ცვლილებების შენახვა. შენიშვნა: ცხოველის ნომრის რედაქტირება შეუძლებელია. თუ ცხოველს შეცდომით მცდარი საიდენტიფიკაციო ნომერი მიანიჭეთ, პრობლემის აღმოსაფხვრელად დაუკავშირდით თქვენს ადმინისტრატორს. საყურე ნიშნის ჩასანაცვლებლად გამოიყენეთ ფუნქცია „საყურე ნიშნის ჩანაცვლება“.
	ნაბიჯი 2: ცხოველის სტატუსის შეცვლა აირჩიეთ ის ცხოველი ან ცხოველები, რომელთა სტატუსის შეცვლასაც გეგმავთ. ჩამოშალეთ „აქტივობების“ მენიუ, აირჩიეთ „სტატუსის შეცვლა“ და მიუთითეთ სასურველი სტატუსი.
	ნაბიჯი 3: შეცდომით დამატებული სტატუსის შეცვლა შეცდომით დამატებული სტატუსის გასწორება შესაძლებელია ცხოველის ჩანაწერში შესვლის. ამისათვის მარჯვენა ფანჯარაში დააწკაპუნეთ ცხოველის მწკრივზე. ჩანაწერში შესვლის შემდეგ დააწკაპუნეთ აღნიშნულ ღილაკზე სტატუსის დასახრუნებლად. შენიშვნა: გაითვალისწინეთ, რომ სტატუსების „გაყიდული“ და „დაკარგული“ შეცვლა შეუძლია მხოლოდ ადმინისტრატორს. აღნიშნული სტატუსები აგრეთვე მოქმედებს ცხოველის გადაყვანისა და სასაკლაოზე მის დაშვებაზე.

IV თავი - ცხოველების ჯგუფური რეგისტრაცია

---

---

	ნაბიჯი 1: შესაძლებელია ერთდროულად რამდენიმე ცხოველის დამატება საყურე ნიშნების მიმდევრობით. ამისათვის დააწკაპუნეთ ღილაკზე „ცხოველების ჯგუფური რეგისტრაცია“.
	ნაბიჯი 2: შეიყვანეთ ცხოველის ტიპი და დაამატეთ საყურე ნიშნების მიმდევრობა. ქმედების დასასრულებლად დააწკაპუნეთ ღილაკზე „ცხოველების ჯგუფური რეგისტრაცია“. შენიშვნა: ცხოველების ჯგუფური რეგისტრაციისას ინდივიდუალური ინფორმაცია, მაგალითად, ჯიში, შეფერილობა, მშობლები, დაბადების თარიღი და ა.შ., არ იწერება. ამ მონაცემების დამატება უნდა მოხდეს ინდივიდუალურად.

V თავი - საყურე ნიშნის ჩანაცვლება და ჩანაცვლებული საყურე ნიშნების ძებნა

---

---

	ნაბიჯი 1: მონიშნეთ ცხოველი თუ საყურე ნიშანი დაიკარგა ან დაზიანდა, ან შეცდომა დაუშვით და საყურე ნიშნის ნომერი არასწორად მიუთითეთ, გთხოვთ, შეცვალოთ ნომერი „საყურე ნიშნის ჩანაცვლება“. ჯერ სადგომში არსებული ცხოველების სიიდან აირჩიეთ ცხოველი. ამისათვის დააწკაპუნეთ მის მწკრივზე.
	ნაბიჯი 2: გამოიყენეთ ღილაკი „საყურე ნიშნის ჩანაცვლება“ ცხოველის ჩანაწერის ეკრანზე დააწკაპუნეთ ღილაკზე „საყურე ნიშნის ჩანაცვლება“.
	ნაბიჯი 3: დაამატეთ ახალი საყურე ნიშანი და შეინახეთ მონაცემები. შეიყვანეთ ახალი საყურე ნიშნის ნომერი. მიუთითეთ ჩანაცვლების მიზეზი. ამისათვის შეარჩიეთ ერთერთი: „შეცვლილი“, „დაზიანებული“, „დაკარგული“, „გაუმართავი“ ან „არასწორი ჩანაწერი“ და ჩანაცვლების თარიღი. ეს მნიშვნელოვანია! თუ შეცდომით საყურე ნიშნის არასწორი ნომერია დამატებული, მისი ჩანაცვლების მიზეზად აირჩიეთ „არასწორი ჩანაწერი“. არასწორად შეყვანილი საყურე ნიშანი ახლად დამატებული ნიშნით ჩანაცვლდება, ხოლო შეცდომით დამატებული საყურე ნიშანი გამოჩნდება რეესტრში სათაო ოფისის დონეზე, როგორც გამოუყენებელი და აქტიური. ყველა სხვა შემთხვევაში, როგორც ახალი, აგრეთვე ძველი საყურე ნიშანი წაიშლება რეესტრიდან, როგორც უკვე გამოყენებული.
	ნაბიჯი 4: დაადასტურეთ ცვლილება და ნომერი თუ ღილაკით „საყურე ნიშნის ჩანაცვლება“ ისარგებლეთ, შეიქმნება ამ ქმედების ჩანაწერი, სადაც გამოჩნდება საყურე ნიშნის ახალი და ძველი ნომერი.
	ნაბიჯი 5: იპოვეთ ჩანაცვლებული საყურე ნიშანი ჩანაცვლებული საყურე ნიშნები დეაქტივირდება და როგორც ასეთი, აქტიურ საყურე ნიშნებში სტანდარტული ძიებისას აღარ ჩანს.
	ნაბიჯი 6: ჩანაცვლებული საიდენტიფიკაციო ნომრის ძებნა შესაძლებელია ცხოველთა ძებნის ეკრანიდან.
	ნაბიჯი 7: თუ ისეთი საყურე ნიშნის ნომერს ეძებთ, რომელიც არც რეესტრში არსებობს და არც რომელიმე აქტიურ ცხოველს აქვს დამაგრებული, სისტემა ნებართვას გთხოვთ ჩანაცვლებული საყურე ნიშნების რეესტრის მოსაძებნად.
	ნაბიჯი 8: ჩანაწერი გახსნის ინდივიდუალური ცხოველის ეკრანს. საყურე ნიშნის ჩანაცვლების შესახებ ინფორმაციის სანახავად გახსენით ფანჯარა „საყურე ნიშნის ჩანაცვლება“.